Janataa24 NEWS DESK
Oscars 2024: ಆಸ್ಕರ್ ವೇದಿಕೆಗೆ ಬೆತ್ತಲಾಗಿ ಬಂದ ನಟ ಜಾನ್ ಸೀನಾ
ಅಮೆರಿಕ: ಜಗತ್ತಿನಾದ್ಯಂತ ಸಿನಿಪ್ರೇಮಿಗಳು ಕಾತರದಿಂದ ಕಾಯುತ್ತಿದ್ದ 96ನೇ ‘ಆಸ್ಕರ್’ (Oscars 2024) ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಲಾಸ್ ಏಂಜಲೀಸ್ನ ಡಾಲ್ಬಿ ಥಿಯೇಟರ್ನಲ್ಲಿ ಅದ್ಧೂರಿಯಾಗಿ ನಡೆಯಿತು. ಈ ಅಂತರರಾಷ್ಟ್ರೀಯ ಪ್ರಶಸ್ತಿ ಸಮಾರಂಭವು ಅನೇಕ ಕಾರಣಗಳಿಂದ ಸದ್ದು ಮಾಡುತ್ತಿದೆ. ಹಲವು ಬಾರಿ ಆಸ್ಕರ್ ವೇದಿಕೆಯಲ್ಲಿ ವಿಚಿತ್ರ ಸಂಗತಿಗಳು ನಡೆದಿವೆ. ಸೋಮವಾರ ಆಸ್ಕರ್ ಪ್ರಶಸ್ತಿ ಸಮಾರಂಭದಲ್ಲಿ ಇದೇ ರೀತಿಯ ಘಟನೆ ನಡೆದಿದೆ. ಡಬ್ಲ್ಯೂಡಬ್ಲ್ಯೂಇ ಪಟು ಮತ್ತು ಹಾಲಿವುಡ್ ನಟ ಜಾನ್ ಸೀನಾ(John Cena) ಅತ್ಯುತ್ತಮ ಕಾಸ್ಟ್ಯೂಮ್ ಡಿಸೈನ್ ಪ್ರಶಸ್ತಿಯನ್ನು ನೀಡಲು ವೇದಿಕೆಯ ಮೇಲೆ ಬೆತ್ತಲೆಯಾಗಿಯೇ ಕಾಣಿಸಿಕೊಂಡಿದ್ದಾರೆ. ವೇದಿಕೆ ಮುಂಭಾಗದಲ್ಲಿದ್ದವರು ಇದನ್ನು ಕಂಡು ದಿಗ್ಭ್ರಮೆಗೊಂಡಿದ್ದಾರೆ.
ಜಾನ್ ಸೀನಾ(John Cena) ಬಟ್ಟೆಯಿಲ್ಲದೆ ವೇದಿಕೆಯನ್ನು ತಲುಪಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗುತ್ತಿದೆ. ಜಿಮ್ಮಿ ಕಿಮ್ಮೆಲ್ ಅವರು, ಜಾನ್ ಸೀನಾ ಅವರನ್ನು ಅತ್ಯುತ್ತಮ ವೇಷಭೂಷಣ ವಿಭಾಗದಲ್ಲಿ ಪ್ರಶಸ್ತಿಯನ್ನು ನೀಡಲು ಆಹ್ವಾನಿಸಿದರು. ಜಾನ್ ಸೀನಾ ಬಟ್ಟೆ ಇಲ್ಲದೆ ವೇದಿಕೆಯಲ್ಲಿ ಕಾಣಿಸಿಕೊಳ್ಳುವ ಸುಳಿವು ನೀಡಿದರು. ಆದ್ರೆ, ಆರಂಭದಲ್ಲಿ ಸೀನಾ ಬಟ್ಟೆಯಿಲ್ಲದೆ ಹೊರಗೆ ಹೋಗಲು ಹಿಂಜರಿದರು. ಆಸ್ಕರ್ 2024(Oscars 2024)ರ ನಿರೂಪಕ ಕಿಮ್ಮೆಲ್ ಅವರ ಮನವೊಲಿಸಿದ ನಂತರ, ಜಾನ್ ಸೀನಾ ಬೆತ್ತಲಾಗಿಯೇ ವೇದಿಕೆಯನ್ನು ತಲುಪಿದರು.
ನಗ್ನವಾಗಿ ವೇದಿಕೆ ಬಂದ ಜಾನ್ ಸೀನಾ ನೋಡಿ ನಕ್ಕ ಜನ: ಬಟ್ಟೆಯಿಲ್ಲದೆ ವೇದಿಕೆಯ ಮೇಲೆ ಬಂದು ನಿಂತ ಜಾನ್ ಸೀನಾ ಅವರನ್ನು ನೋಡಿ ನೆರೆದಿದ್ದವರು ನಗತೊಡಗಿದರು. ಇದರ ನಂತರ, ಸೀನಾ ಸ್ವಲ್ಪ ಹಿಂಜರಿಕೆಯನ್ನು ಎದುರಿಸಿದರು. ತಮಗೆ ಅಡ್ಡಲಾಗಿ ಪ್ರಶಸ್ತಿಯ ಲಕೋಟೆಯನ್ನು ಹಿಡಿದುಕೊಂಡಿದ್ದರು. “ಉಡುಪುಗಳು ಬಹಳ ಮುಖ್ಯ. ಬಹುಶಃ ಇಲ್ಲಿ ಪ್ರಮುಖ ವಿಷಯವಾಗಿದೆ” ಎಂದು ಜಾನ್ ಸೀನಾ ಹೇಳಿದಕ್ಕೆ ಎಲ್ಲ ನಗೆಗಡಲಲ್ಲಿ ತೇಲಿದರು. ಬಳಿಕ ಅತ್ಯುತ್ತಮ ವೇಷಭೂಷಣದಿಂದ ಕೂಡಿದ್ದ ಉಡುಗೆಯನ್ನು ಜಾನ್ ಸೀನಾಗೆ ತೊಡಿಸಲಾಯಿತು. ನಂತರ ವಿಜೇತರ ಹೆಸರನ್ನು ಸೀನಾ ಘೋಷಿಸಿದರು. ಜಾನ್ ಸೀನಾ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ತುಂಬಾ ವೈರಲ್ ಆಗಿದೆ.
ಪೂವರ್ ಥಿಂಗ್ಸ್’ ಚಿತ್ರಕ್ಕೆ ಅತ್ಯುತ್ತಮ ವಸ್ತ್ರ ವಿನ್ಯಾಸದ ಆಸ್ಕರ್ ಪ್ರಶಸ್ತಿ ಗರಿ:
ಹಾಲಿವುಡ್ ತಾರೆ ಎಮ್ಮಾ ಸ್ಟೋನ್ ಅಭಿನಯದ ಚಿತ್ರ ‘ಪೂವರ್ ಥಿಂಗ್ಸ್’ ಅತ್ಯುತ್ತಮ ವಸ್ತ್ರ ವಿನ್ಯಾಸ ವಿಭಾಗದಲ್ಲಿ ಆಸ್ಕರ್ ಪ್ರಶಸ್ತಿಯನ್ನು ಗೆದ್ದಿದೆ. ‘ಪೂವರ್ ಥಿಂಗ್ಸ್’ ಅತ್ಯುತ್ತಮ ನಿರ್ಮಾಣ ವಿನ್ಯಾಸ, ಅತ್ಯುತ್ತಮ ವಸ್ತ್ರ ವಿನ್ಯಾಸ ಮತ್ತು ಅತ್ಯುತ್ತಮ ಮೇಕಪ್ ಮತ್ತು ಹೇರ್ ಸ್ಟೈಲಿಂಗ್ ವಿಭಾಗಗಳಿಲ್ಲಿ ಗೋಲ್ಡನ್ ಟ್ರೋಫಿಯನ್ನು ಗೆದ್ದುಕೊಂಡಿತು.
ಈ ಚಿತ್ರವು 96ನೇ ಅಕಾಡೆಮಿ ಪ್ರಶಸ್ತಿಗಳಲ್ಲಿ 11 ವಿಭಾಗಗಳಲ್ಲಿ ನಾಮನಿರ್ದೇಶನಗಳನ್ನು ಪಡೆದುಕೊಂಡಿತ್ತು. ಆಸ್ಕರ್ 2024 ಪ್ರಸ್ತುತ ಲಾಸ್ ಏಂಜಲೀಸ್ನ ಡಾಲ್ಬಿ ಥಿಯೇಟರ್ನಲ್ಲಿ ನಡೆಯುತ್ತಿದೆ ಮತ್ತು ಒಟಿಟಿ ಪ್ಲಾಟ್ಫಾರ್ಮ್ ಡಿಸ್ನಿ ಪ್ಲಸ್ ಹಾಟ್ಸ್ಟಾರ್ನಲ್ಲಿ ಲೈವ್ ಸ್ಟ್ರೀಮ್ ಇದೆ.
https://www.janataa24.com/swami-japananda-swami-is-saving-life-by-giving-water-to-the-dumb-creatures/
ಕೆಳಗಿನ #ಲಿಂಕ್ ಬಳಸಿ #ಜನತಾ24 #ವಾಟ್ಸಾಪ್_ಗ್ರೂಪ್ ಸೇರಿರಿ
https://chat.whatsapp.com/Jf6jZ0gyQAEA5GBRpHnkrv
Subscribe YouTube
https://youtube.com/@janataa24?si=XsFcych2GMH0O6Gv
